Тайлбар
Бамбүү театр нь хамгийн бяцхан үзэгчиддээ зориулан дараагийн жүжгээ толилуулж байна. Та бүхний бяцхан үрсийн хамгийн анхны жүжиг нь болсон ОХУ-н Первый театр-ийн "Анхны цас" жүжгийн найруулагч Юрий Устюговийн "Вода" буюу "УС" жүжиг нь бидний та бүхэндээ хүргэж буй дараагийн жүжиг билээ.
Хүүхдэд зориулсан устай театр! Жүжигт жинхэнэ ус ашиглах бөгөөд үзэсгэлэнтэй том усан онгоцыг бид тѳсѳѳлѳн жижиг усан хѳлгүүд хийж том аялалд гаргана. Даяанч хавч аймхай ч их сониуч, үзэгч хүүхдүүд бүгдэнтэй нь танилцахыг ч үгүйсгэхгүй. Тэрээр амьдарч болох дун хайж байтал живсэн хѳлѳг онгоц оллоо, хѳлѳг онгоц эрдэнэсээр дүүрэн, бүх далайчдад хүрэлцэнэ!
Манай жүжгийн үеэр жинхэнэ бороо орж, жинхэнэ далай үүсэж, жинхэнэ уул баригдаж энэ бүх зүйл хүндэт үзэгчдийн оролцоотойгоор тухайн цагт нь бий болгох болно.
Жүжигчид
Батчулуун. Төрмөнх
Өөрийгөө хүүхэлдэйн киноны дүр гэвэл
-Alice in Wonderland "Matt Hatter"
Супер хүчтэй байсан бол
-Нисдэг болох байсан.
Бага насны хамгийн жаргалтай дурсамжаасаа дурдвал
-Хөдөө мал хариулж морь унаж өссөн маань сайхан дурсамж.
Бүтээлч бамбүү төвд ажиллах ямар байдаг вэ?
-Бүтээлч бамбүү төвд ажиллах нь дуртай зүйлээ хийж байгаа болохоор урамтай байдаг.
Батболд. Золжаргал
Өөрийгөө хүүхэлдэйн киноны дүр гэвэл
-"Mulan"
Супер хүчтэй байсан бол
-Дэлхийг тойрч нисэх байсан.
Бага насны хамгийн жаргалтай дурсамжаасаа дурдвал
-Хөдөө өвөө эмээ дээрээ зуншдаг байсан үе маань сэтгэлд үлдсэн.
Бүтээлч бамбүү төвд ажиллах ямар байдаг вэ?
-Хүүхдийн энерги шингэсэн гэгээлэг санагддаг.
